點解預約的士咁難?


因為的士司機唔係打工仔,係經營緊生意,唔划算、甚至可能蝕錢嘅嘅生意,邊個想做?


點解預約會唔划算?

好多人以為,預早畀支單司機,唔使等佢周街遊碰運氣,應該執到。事實唔係咁。


想預早約定車,原因通常就係擔心用車時截唔到車。

會截唔到車嘅時間,多數就係多人搭車嘅時候,可能隨時喺街都撈到個客時,又點解要限時限地去做一支預約 order?


而更大嘅問題係,的士流動性大、可去嘅範圍廣,每一分鐘都唔知自己會俾客拉去邊。

假如有個客預約早 7 點藍田上車去觀塘,630 旺角有街客拉佢入天水圍,佢會唔會放個預約飛機,做咗個街客?


所以接預約 order,通常之前半個鐘預咗唔做得客,時間係金錢,半個鐘頭唔做得生意,咁就要睇吓支預約有無吸引力,一般去機場、去關口、市區入大西北、大東北出市區......都會較受歡迎,因為長途車資較高,但都要睇上車時間,假如司機 5 點大東北攞車,預約 6 點,就成個鐘頭唔使做...


透過一個的士平台約車,係咪易啲呢?

首先要解決係支預約 Order 能有效傳達畀有可能做到嘅司機知,而佢哋又有興趣接嚟做。

的士司機自僱、開工時間不定、好多替工甚至唔知幾時幾日有工開,就算通知到佢有支預約,佢當日有無車開工都未知,點答你?


所以,預約的士,真係好難。

仲未計可能塞車、乘客可能臨時失約...呢啲可能情況。

如果一日有一百幾十個預約,行政工夫可以好恐怖,而且仲係一種重複但又無趣嘅工作。

不過其實錢係有可能解決到嘅。


而 WhatsTAXI 預約服務要畀嘅行政費,部分會畀接受預約嘅司機,希望透過一種收入補償形式,鼓勵佢哋多接預約 order。


btw,個市好,梗係難預約;而家個市日日水盡鵝飛,搵個客搭車都難,而家預約可能唔係咁難嘅......


預約:https://www.whatstaxi.online/book-taxi-online

45 次查看0 則留言

最新文章

查看全部